Profesori i çështjeve kushtetuese, Mazllum Baraliu, ka kritikuar ashpër krizën politike në Kosovë dhe mungesën e marrëveshjes mes partive për zgjedhjen e presidentit të ri. Ai e konsideron të pafalshme vonesën dhe mungesën e gatishmërisë së liderëve politikë për të formuar institucionet, duke theksuar se vendi ka shumë kandidatë të përshtatshëm për këtë post. Baraliu paralajmëron se kjo situatë po çon në paralizë politike dhe rrezikon që shteti të bie në një “gjendje të rënies së lirë”. Ai gjithashtu thekson se kjo krizë është pasojë e papërgjegjshmërisë së klasës politike dhe mosrespektimit të mesazhit të votuesve në zgjedhjet e fundit.