Deputeti i Aleancës, Burim Ramadani, ka kritikuar ashpër situatën politike në Kosovë, duke theksuar se vendimmarrja është në falimentim për shkak të bllokadës së krijuar nga partia në pushtet. Ai ka paralajmëruar se kjo krizë po dëmton rëndë demokracinë dhe funksionimin e institucioneve, duke e vënë thelbin e tyre në pikëpyetje. Ramadani ka theksuar se institucionet qendrore janë duke mbetur pezull në mënyrë kundërligjore, duke penguar konstituimin e Kuvendit dhe formimin e një qeverie legjitime. Sipas tij, stabilizimi dhe normalizimi i shtetit do të kërkojë vite të tëra për t’u arritur në këtë situatë.