Analistja politike Donika Emini paralajmëron se Kosova po përjeton një krizë politike që nuk u zgjidh me zgjedhjet e 7 qershorit, por vetëm u zhvendos në një fazë tjetër të paqartë. Sipas saj, vendi ka humbur një vit të tërë në ngërç institucional dhe mungesën e kompromisit politik, duke rrezikuar kështu humbjen e mundësive të rëndësishme në procesin e integrimit evropian. Emini thekson se Kosova nuk po shfrytëzon momentumin aktual në Bruksel, ku zgjerimi është prioritet, dhe paralajmëron për pasojat e mosleximit të zhvillimeve ndërkombëtare, veçanërisht rritjen e forcave të djathta në Evropë. Ajo rekomandon forcimin e aleancave strategjike me vendet e NATO-s dhe Bashkimit Evropian për të mbrojtur interesat dhe sigurinë e vendit.