Në Kosovë po vazhdojnë negociatat politike për zgjedhjen e presidentit të ri, ndërsa afati i përcaktuar nga Gjykata Kushtetuese është 28 prilli. Kryeministri Albin Kurti dhe lideri i Lidhjes Demokratike të Kosovës, Lumir Abdixhiku, zhvilluan një takim pa arritur marrëveshje, ndërsa pritet të vazhdojnë bisedimet edhe me Partinë Demokratike të Kosovës. Përfaqësues të shoqërisë civile vlerësojnë se gjasat për një marrëveshje janë të kufizuara dhe se për konsensus nevojitet pranimi i një kandidati jopartiak dhe bashkëpunimi i opozitës për të siguruar kuorumin në Kuvend. Në rast se nuk arrihet marrëveshje, Kosova do të shkojë në zgjedhje të parakohshme parlamentare brenda 45 ditësh, ndërsa kryetarja e Kuvendit, Albulena Haxhiu, është shprehur e gatshme të ndihmojë në procesin e zgjedhjes së presidentit.