Dekreti i presidentes Vjosa Osmani ka hapur mundësinë që Kosova të shkojë në zgjedhje të jashtëzakonshme, ndërsa opozita mbështet këtë vendim dhe partia në pushtet kërkon zgjidhje për të evituar zgjedhjet. Njohës të fushës paralajmërojnë se zgjedhjet e reja do të ndikojnë negativisht në zhvillimin e brendshëm, ekonominë dhe pozicionin ndërkombëtar të vendit, duke theksuar se bllokada politike po vazhdon dhe po dëmton raportet me aleatët si BE dhe SHBA. Analistët theksojnë se kriza është e evitueshme, por mungesa e racionalitetit dhe kompromisit në klasën politike e bën të vështirë tejkalimin e situatës. Pas zgjedhjeve të jashtëzakonshme të vitit 2025 që nuk sollën institucione të reja, vendi po përballet me ngecje në reformat institucionale dhe zhvillimin ekonomik për shkak të krizës politike.