Kryeministri i Kosovës, Albin Kurti, priti në takim ambasadorin jorezident të Irlandës për Kosovën, Ragnar Almqvist, me rastin e shënimit të Ditës së Shën Patrikut. Gjatë takimit, Kurti e uroi ambasadorin për këtë festë dhe theksoi marrëdhëniet e mira bilaterale ndërmjet dy vendeve. Ai falënderoi Irlandën për mbështetjen e vazhdueshme ndaj Kosovës, duke përfshirë heqjen e vizave për pasaportat diplomatike dhe përkrahjen në proceset e integrimit evropian. Në biseda u diskutua gjithashtu për thellimin e bashkëpunimit, përvojat e Irlandës me diasporën dhe zgjerimin e shkëmbimeve kulturore ndërmjet Kosovës dhe Irlandës.