Kryeprokurori i Prokurorisë Themelore në Prizren, Petrit Kryeziu, priti në takim përfaqësues të Misionit të OSBE-së në Kosovë, përfshirë Menaxherin e projektit kundër Krimit të Organizuar dhe Korrupsionit, Kahramon Sanginov, dhe zyrtaren për monitorimin e proceseve gjyqësore, Etleva Kelmendi – Shabani. Gjatë takimit u diskutua rëndësia e trajtimit të rasteve të korrupsionit, rritjes së transparencës institucionale dhe forcimit të llogaridhënies në sistemin e drejtësisë. Kryeprokurori falenderoi OSBE-në për mbështetjen e vazhdueshme dhe shprehu gatishmërinë për thellimin e bashkëpunimit në mënyrë që të rritet efikasiteti në trajtimin e rasteve dhe besimi i qytetarëve. Përfaqësuesit e OSBE-së vlerësuan angazhimin e Prokurorisë së Prizrenit dhe u dakorduan për intensifikimin e bashkëpunimit në fushat me interes të përbashkët.