Sot shënohen 55 vjet nga lindja e Bahri Fazliut, një nga ideologët më të shquar të çështjes kombëtare shqiptare dhe Hero i Kombit. Bahri Fazliu ra heroikisht më 7 maj 1998 në Bjeshkët e Bogiqes, në trekëndëshin kufitar mes Shqipërisë, Kosovës dhe Malit të Zi, duke dhënë jetën në altarin e lirisë. Ai ishte vëllai i Fahri Fazliut, i cili bashkë me Afrim Zhitinë ranë në një betejë me policinë serbe më 2 nëntor 1989 në lagjen “Bregu i Diellit” në Prishtinë. Kujtimi i tyre vazhdon të frymëzojë dhe të mbetet simbol i sakrificës për lirinë dhe kombin shqiptar.