Ministri në detyrë i Punëve të Brendshme të Kosovës, Xhelal Sveçla, në kuadër të vizitës së tij në Francë, mori pjesë në pritjen e organizuar nga Ambasada e Kosovës për të shënuar 27-vjetorin e çlirimit të vendit. Ai theksoi se liria e Kosovës është rezultat i sakrificës së dëshmorëve dhe martirëve, qëndresës së popullit dhe mbështetjes së NATO-s dhe aleatëve ndërkombëtarë në momentet më të vështira. Gjatë ngjarjes u hap edhe një ekspozitë e Institutit të Krimeve të Kryera gjatë Luftës në Kosovë, e cila dokumenton helmimet e nxënësve dhe popullatës shqiptare në vitet ’90, duke rikujtuar format e rënda të represionit. Përvjetorët e çlirimit shërbejnë si një kujtesë e përhershme për rrugën e vështirë drejt lirisë dhe shtetndërtimit, duke nxitë ruajtjen e së vërtetës historike dhe forcimin e partneriteteve me aleatët që kontribuan në këtë proces.