Ish-kryetari i AAK-së, Ramush Haradinaj, ka kujtuar me nderim dëshmorët nga Kotradiqi dhe Nerodima në përvjetorin e rënies së tyre. Në Kompleksin Memorial, ai u bashkua me familjarë, bashkëluftëtarë dhe qytetarë për të nderuar heroizmin dhe sakrificën e tyre për lirinë e Kosovës. Në të njëjtën ditë, Brigada 162 “Agim Bajrami” nderoi dëshmorët nga Nerodima, duke kujtuar edhe viktimat e paarmatosura të ekzekutuara nga armiku gjatë këtyre luftimeve. Haradinaj theksoi se liria e vendit u arrit me gjakun dhe mundin e bijve dhe bijave më të mirë të Kosovës, duke bërë thirrje për përulje dhe kujtim të përhershëm ndaj veprës së tyre heroike.