Në 9-vjetorin e vdekjes së Bajram Rexhepit, kryetari i Mitrovicës së Jugut, Faton Peci, ka përkujtuar kontributin e tij të jashtëzakonshëm për lirinë dhe shtetndërtimin e Kosovës. Rexhepi ishte një kirurg i luftës që iu përkushtua vendit si mjek në terren gjatë luftës dhe më pas si politikan i angazhuar në LDK dhe UÇK. Ai shërbeu si kryeministri i parë i Kosovës, kryetar i Mitrovicës dhe Ministër i Punëve të Brendshme, duke lënë gjurmë të pashlyeshme në historinë politike dhe shoqërore të vendit. Përmes një postimi në Facebook, Peci theksoi se Rexhepi është bërë pjesë e pashmangshme e memories kolektive për liri dhe shtetndërtim.