Ushtruesja e detyrës së Presidentes së Kosovës, Albulena Haxhiu, ka përkujtuar me dhimbje viktimat e masakrave të kryera më 31 maj në Studime të Vushtrrisë dhe Poklek të Ri të Drenasit. Në këto ngjarje tragjike u vranë civilë të pafajshëm, përfshirë fëmijë, gra dhe të moshuar, të cilët nuk përbënin asnjë kërcënim për askënd. Haxhiu theksoi se këto vrasje ishin pjesë e një politike kriminale që synonte shfarosjen dhe dëbimin e shqiptarëve nga Kosova. Ajo nderoi sakrificën e familjeve shqiptare dhe theksoi rëndësinë e kujtimit të këtyre ngjarjeve si pjesë të dhimbjes dhe qëndresës së popullit shqiptar.