Ish-presidentja e Kosovës, Vjosa Osmani, ka përkujtuar akademikun Fehmi Aganin në 27-vjetorin e vrasjes së tij nga regjimi serb, duke e cilësuar atë si një nga mendjet më të ndritura të mendimit shqiptar dhe trurin e lëvizjes për pavarësi në fund të viteve ’90. Osmani thekson se Agani ishte bashkëpunëtori më i afërt i presidentit historik Ibrahim Rugova dhe një personalitet i shquar që ndërthurte urtësinë intelektuale me përkushtimin e palëkundur atdhetar. Ajo përmend thellësinë dhe butësinë e tij, si dhe fisnikërinë njerëzore që e bënte veçanti, duke treguar se forca e vërtetë qëndron në urtësi, durim dhe dinjitet. Kujtimi i tij mbetet i përjetshëm si një shembull frymëzues për brezat e ardhshëm dhe për vizionin e shtetit të pavarur.