Gjatë fushatës zgjedhore, Suzana Loci ka ndarë në Facebook një kujtim personal dhe prekës nga vitet e okupimit serb në Kosovë. Ajo përmend momentin kur babai i saj, Imer Shala, u maltretua brutalish nga okupatori për shkak të kundërshtimit të mbylljes së shkollave shqipe, dhe ishte Riza Krasniqi ai që iu afrua i pari për t’i dhënë ndihmën e parë, duke e vendosur në veturën e tij. Ky akt human dhe guximtar i Krasniqit ka mbetur i gjallë në mendjen e familjes Loci dhe po tërheq vëmendjen e qytetarëve jo për arsye politike, por për vlerën njerëzore që përfaqëson. Riza Krasniqi, kandidat për deputet nga LDK-ja, njihet për angazhimin e tij në arsim dhe çështje kombëtare, por për familjen Loci ai është simbol i ndihmës dhe kurajos në kohë të vështira.