Kryetari i Komunës së Prishtinës, Përparim Rama, ka shprehur ngushëllimet e tij pas ndarjes nga jeta të Prof. Dr. Alush Gashit, duke e përshkruar atë si një njeri të rrallë, të ngrohtë dhe plot dashuri për njerëzit dhe vendin. Rama theksoi se Gashi nuk ishte vetëm profesor, mjek dhe politikan, por edhe një mik i sinqertë dhe frymëzim për shumë njerëz, duke përmendur buzëqeshjen, urtësinë dhe përqafimin e ngrohtë që e karakterizonin. Alush Gashi, një nga themeluesit e Lidhjes Demokratike të Kosovës dhe ish-ministër i Shëndetësisë, ndërroi jetë në moshën 75-vjeçare. Familjarët kanë njoftuar për ndarjen e tij dhe do të informojnë më vonë për detajet e ceremonisë së varrimit.