Kryeministri në detyrë Albin Kurti përkujtoi me nderim Tahir Sinanin në Akademinë Përkujtimore të organizuar nga Qeveria e Kosovës për 25-vjetorin e rënies së tij. Kurti e vlerësoi Sinanin si një nga luftëtarët dhe oficerët më të spikatur të Ushtrisë Çlirimtare të Kosovës, i cili dha kontribut të madh në luftërat për liri në Kosovë, Luginën e Preshevës dhe Maqedoninë e Veriut. Ai theksoi se Sinani nuk e konsideronte çlirimin e Kosovës si fund të luftës, por vazhdoi betejën për çështjen kombëtare në rajon. Djali i tij, Rrezart Sinani, shprehu se trashëgimia më e madhe që la komandanti ishte krenaria, nderi dhe respekti, duke ftuar për ruajtjen dhe forcimin e vendit për të cilin u flijuan dëshmorët.