Kryetarja e Kuvendit të Kosovës, Albulena Haxhiu, përkujtoi 25-vjetorin e rënies së çlirimtarit Tahir Sinani, i cili ishte udhëheqës i njësive speciale dhe komandant në tri luftëra të rëndësishme për lirinë dhe bashkimin kombëtar. Sinani nisi duke stërvitur djem pa përvojë ushtarake dhe udhëhoqi Njësinë Speciale "Arbëri" në aksionet e para, më pas dha kontribut vendimtar në Operacionin "Shigjeta" si komandant i Zonës Operative të Pashtrikut. Ai ishte gjithmonë në vijën e parë të frontit dhe nuk u tërhoq kurrë, duke vazhduar më pas luftën në Ushtrinë Çlirimtare për Preshevë, Medvegjë dhe Bujanoc dhe si komandant i Brigadës 116 "Xhemë Gostivari" të Ushtrisë Çlirimtare Kombëtare. Haxhiu theksoi se Sinani la pas shembullin e një strategu të vendosur dhe luftëtari të palëkundur, i cili ia kushtoi jetën idealit të lirisë dhe bashkimit kombëtar.