Ushtruesja e detyrës së presidentes, Albulena Haxhiu, ka kujtuar 14 vjetorin e sulmit terrorist në lagjen “Tre Rrokaqiejt” në Mitrovicën veriore, ku u vra qytetari Selver Haradinaj. Ajo ka theksuar se qëllimi i sulmit ishte shfarosja e familjes së Haradinajt dhe frikësimi i familjeve shqiptare për t’u zhvendosur nga ajo zonë. Haxhiu ka vënë në dukje se, megjithatë, shumë familje kanë qëndruar në pronat e tyre nën kërcënim dhe pasiguri të vazhdueshme nga struktura kriminale. Sot, falë punës së institucioneve dhe përkushtimit për shtrirjen e rendit dhe ligjit, situata po normalizohet dhe qytetarët ndihen më të sigurt, ndërsa angazhimi për siguri, drejtësi dhe institucione të forta do të vazhdojë.