Deputetja e Frontit Evropian, Rina Ajdari, ka njoftuar se grupi i saj parlamentar do të përdorë të gjitha mekanizmat ligjorë për të bllokuar Ligjin për Përfaqësim të Drejtë dhe Adekuat, duke e konsideruar atë të papranueshëm dhe pa bazë juridike. Ajo theksoi se do të propozojnë amendamente për të përmirësuar ligjin dhe për të argumentuar para opinionit publik nevojën për ndryshime që e bëjnë ligjin funksional dhe në përputhje me qëllimet e qeverisë. Një nga pikat kryesore të kundërshtimit është dispozita që lejon verifikimin e përkatësisë etnike përmes emrit në dokumentet zyrtare, çka sipas Ajdarit është e pamundur dhe jo logjike. Fronti Evropian synon të ndërhyjë në mënyrë aktive në procesin ligjor për të siguruar që ligji të jetë i drejtë dhe i pranueshëm për të gjithë.