Organizata e Veteranëve të Luftës së Ushtrisë Çlirimtare Kombëtare (OVL-UÇK) ka reaguar ashpër kundër çdo iniciative për hapjen e proceseve të reja në Gjykatën e Hagës ndaj UÇK-së. Sipas OVL-UÇK-së, këto përpjekje përbëjnë manovra të revizionizmit politik që synojnë të shpallin kriminale një luftë të drejtë çlirimtare dhe të cenojnë themelet e Marrëveshjes së Ohrit. Reagimi erdhi pas deklaratave të kryetarit të BDI-së, Ali Ahmeti, i cili tha se ka informacione për iniciativa në Gjykatën Kushtetuese lidhur me çështjet e Tribunalit të Hagës dhe paditjen e UÇK-së. Organizata thekson se luftëtarët shqiptarë kanë paguar çmimin për dinjitet, barazi dhe stabilitet, dhe se plagët e vjetra nuk duhet të ngacmohen për të goditur vlerat e luftës apo për të destabilizuar rajonin.