Kosova dhe Danimarka kanë nënshkruar një marrëveshje që parashikon transferimin e 300 të burgosurve danezë në Kosovë, me fillimin e adaptimit të Qendrës së Paraburgimit në Gjilan sipas standardeve daneze. Drejtori i Shërbimit Korrektues të Kosovës, Ismail Dibrani, ka bërë të ditur se të burgosurit e parë pritet të mbërrijnë në mesin e vitit 2027, ndërsa procesi i përshtatjes dhe trajnimit të stafit është në zhvillim e sipër. Në këtë program nuk do të përfshihen persona me dënime më të rënda se 10 vjet, as të dënuar për terrorizëm apo me probleme të rënda shëndetësore. Kosova do të përfitojë rreth 210 milionë euro nga kjo marrëveshje, ndërsa kapaciteti i burgjeve është i mjaftueshëm për të pritur të burgosurit e transferuar.