Emisari i BE-së për Dialogun Kosovë-Serbi, Peter Sorensen, në një intervistë për Gazetën Express, theksoi se zbatimi i marrëveshjeve mes dy palëve është ende shumë i vonuar dhe nën nivelin e pritshmërive. Ai bëri të qartë se as Kosova dhe as Serbia nuk duhet të presin njëra-tjetrën për të filluar zbatimin e detyrimeve të tyre, duke theksuar se ky proces është i detyrueshëm dhe nuk ndikohet nga situata politike e brendshme. Sorensen nënvizoi se një takim i nivelit të lartë mes kryeministrit Kurti dhe presidentit Vuçiq do të zhvillohet vetëm kur të dy liderët jenë të gatshëm për rezultate konkrete dhe se BE-ja nuk do të caktojë datë pa këtë gatishmëri. Ai gjithashtu kritikoi retorikën nxitëse dhe theksoi rëndësinë e një sistemi gjyqësor multietnik në Kosovë, duke kërkuar përfaqësim efektiv të komunitetit serb në institucionet e drejtësisë.