Kryetari i Komisionit Qendror të Zgjedhjeve, Kreshnik Radoniqi, ka njoftuar se rezultatet preliminare të zgjedhjeve parlamentare të 7 qershorit priten të dalin sonte rreth orës 22:00. Ai theksoi se procesi zgjedhor u zhvillua në mënyrë të rregullt dhe pa incidente që do të cenonin mbarëvajtjen e tij. Sipas të dhënave preliminare nga mbi 98% e vendvotimeve, pjesëmarrja në votime ishte rreth 36.3%, që është rreth tetë për qind më e ulët se në zgjedhjet e fundit të 28 dhjetorit 2025. Pas përmbylljes së votimit, ka nisur afati 48-orësh për paraqitjen e ankesave në Panelin Zgjedhor për Ankesa dhe Parashtresa lidhur me procesin zgjedhor.