Komisioni Qendror i Zgjedhjeve (KQZ) po vijon procesin e numërimit dhe verifikimit të votave për zgjedhjet e fundit, duke përfshirë edhe votat e diasporës. Valmir Elezi, zëdhënësi i KQZ-së, njoftoi se numërimi po zhvillohet në 38 qendra komunale me mbi 2200 anëtarë të angazhuar në proces. Sipas planifikimeve, shpallja e rezultateve përfundimtare pritet të bëhet deri më 26 qershor, nëse nuk paraqiten ankesa që mund të vonojnë procesin. Certifikimi final i rezultateve është parashikuar të përfundojë deri më 6 korrik, por kjo datë mund të ndryshojë në varësi të ecurisë së procesit dhe zhvillimeve në qendrat e numërimit.