Komisioni Qendror i Zgjedhjeve (KQZ) ka planifikuar që rinumërimi i deri në 10% të votave nga vendvotimet e rregullta të nisë në fillim të javës së ardhshme, por me ritmin aktual të punës në Qendrën e Numërimit dhe Rezultateve, ky proces mund të fillojë edhe gjatë vikendit. Rinumërimi do të zgjasë tri ditë dhe do të fillojë vetëm pasi të përfundojë numërimi i të gjitha fletëvotimeve të mbetura, përfshirë votat me postë, me kusht dhe ato të personave me nevoja të veçanta.