Ish-deputeti i LDK-së, Driton Selmanaj, ka akuzuar Lëvizjen Vetëvendosje se po mban peng Kosovën dhe po bllokon funksionimin e institucioneve, pavarësisht se ka numrin e nevojshëm të votave për të formuar Qeverinë dhe zgjedhur Kryetarin e Kuvendit. Ai ka kujtuar se gjatë kohës kur ishte zëvendëskryeministër, Vetëvendosja kishte bërë gjithçka për të sabotuar punën e Qeverisë, duke shpifur dhe prodhuar kriza artificiale për të ndalur zhvillimin e vendit. Selmanaj thekson se sot, në vend të përgjegjësisë dhe transparencës, Vetëvendosja përdor shantazh dhe manipulim, duke kapur shtetin dhe duke bllokuar institucionet për dy vite me radhë. Ai përfundon duke thënë se Kosova ka nevojë për punë dhe respekt për vullnetin e qytetarëve, ndërsa Vetëvendosja është kthyer në një pengesë serioze për funksionimin e shtetit dhe demokracisë.