Forca e Sigurisë së Kosovës ka përmbyllur me sukses Kursin për Nënoficer të Lartë “Gjenerata 10-2026” në Komandën e Doktrinës dhe Stërvitjes. Ky kurs përfaqëson një hap të rëndësishëm në zhvillimin profesional dhe ngritjen e kapaciteteve udhëheqëse të kuadrove ushtarake. Pjesëmarrësit kaluan një trajnim intensiv që përfshinte zhvillimin e aftësive teorike dhe praktike për udhëheqje efektive në situata komplekse operacionale dhe taktike. Gjatë kursit, kursantët treguan përkushtim, profesionalizëm dhe gatishmëri për të marrë përgjegjësi më të larta në shërbim të misionit të Forcës së Sigurisë së Kosovës.