Deputeti i PDK-së, Eman Rrahmani, ka shprehur kritika të forta ndaj kryeministrit në detyrë, Albin Kurti, duke e akuzuar atë për autoritarizëm në drejtimin e institucioneve të vendit. Sipas Rahmanit, çdo institucion po drejtohet nga Kurti pa asnjë mbikëqyrje, duke krijuar një situatë ku pushteti është i përqendruar në duart e tij. Ai ka theksuar se vonesat në nisjen e takimeve institucionale nuk janë rastësi, por pjesë e një strategjie politike për konsolidimin e ndikimit të Kurtit. Këto deklarata janë bërë gjatë një emisioni televiziv, duke nxitur debate mbi mënyrën e qeverisjes dhe ngërçin institucional në Kosovë.