Nesër në orën 09:00 në oborrin e Qeverisë së Kosovës, Ushtruesja e Detyrës së Presidentes, Albulena Haxhiu, së bashku me kryeministrin në detyrë, Albin Kurti, do të bëjnë homazhe te memoriali “Kosova kujton”. Ky memorial është ngritur në nderim të viktimave të sulmeve terroriste të 11 shtatorit në Shtetet e Bashkuara të Amerikës dhe simbolizon solidaritetin dhe kujtesën për mijëra viktima që tronditën botën. Pas ceremonisë përkujtimore, Kurti dhe Haxhiu do të mbajnë deklarata për media, ku do të theksojnë rëndësinë e kësaj dite dhe mesazhin e solidaritetit të Kosovës me popullin amerikan. Kjo ngjarje përfaqëson një moment reflektimi dhe bashkimi në kujtim të një prej sulmeve më të rënda terroriste në historinë moderne.