Deputetja e PDK-së, Ariana Musliu-Shoshi, ka kritikuar ashpër qeverinë e kryeministrit Albin Kurti për dështimet në politikën e jashtme, duke theksuar se kjo ka dëmtuar marrëdhëniet me Shtetet e Bashkuara të Amerikës. Ajo ka theksuar se Serbia po nis një Dialog Strategjik me SHBA-në, ndërsa Kosova po përballet me kushte të vështira për të filluar një proces të ngjashëm. Musliu-Shoshi e ka cilësuar këtë situatë si një pasojë të drejtpërdrejtë të qeverisjes aktuale, e cila sipas saj ka futur Kosovën në izolim ndërkombëtar. Ajo ka kërkuar nga Qeveria të marrë përgjegjësi dhe të punojë për rikthimin e besimit me aleatin strategjik dhe partnerët euroatlantikë, duke vënë në dukje se interesi i Kosovës duhet të jetë mbi interesin partiak.