Kryeministri i Kosovës, Albin Kurti, priti në takim kryetarin e Kuvendit të Shqipërisë, Niko Peleshi, ku u theksua rëndësia e unitetit dhe bashkëpunimit të ngushtë mes dy vendeve. Në këtë takim u vlerësua se Kosova dhe Shqipëria, si dy shtete të një populli, ndajnë aspirata të përbashkëta për zhvillim të qëndrueshëm, forcim të institucioneve demokratike dhe integrim euroatlantik. U diskutua gjithashtu për thellimin e bashkëpunimit ndërinstitucional, rritjen e koordinimit në politikën e jashtme dhe avancimin e agjendës së integrimit drejt Bashkimit Evropian. Kryeministri Kurti theksoi se bashkëpunimi mes dy vendeve mbetet një prioritet strategjik dhe garanci për stabilitet, zhvillim dhe mirëqenie në rajon.