Deputeti i Partisë Demokratike të Kosovës, Enver Hoxhaj, ka deklaruar se demokracia në Kosovë është në një fazë të suspenduar gjatë dy viteve të fundit. Ai theksoi se zgjedhjet po mbahen, por i cilësoi ato si episode të shkurtra demokratike, duke nënvizuar se pas çdo rezultati zgjedhor ndodh një përmbysje e rendit kushtetues. Sipas Hoxhajt, kjo situatë është një përpjekje e kryeministrit Kurti për të nënshtruar opozitën dhe për të kontrolluar procesin politik në vend. Megjithatë, ai theksoi se PDK-ja nuk është kundër parlamentarizmit dhe nuk refuzon këtë formë të qeverisjes.