Kryeministri i Kosovës, Albin Kurti, priti auditoren e përgjithshme, Vlorën Spanca, e cila e uroi për mandatin e ri dhe shprehu gatishmërinë për bashkëpunim institucional. Gjatë takimit, Spanca informoi për përpjekjet e institucionit të Auditorit të Përgjithshëm për rritjen e performancës, duke theksuar avancimet në profesionalizëm, pavarësi dhe zbatimin e standardeve të auditimit. Ajo theksoi se besimi i qytetarëve në institucion është rritur nga 33% në fillim të mandatit në 77% aktualisht. Auditorja rikonfirmoi përkushtimin për të vazhduar misionin me integritet dhe paanshmëri, duke garantuar mbikëqyrje efektive të shpenzimeve publike dhe duke kontribuar në forcimin e shtetit ligjor në Kosovë.