Florian Dushi, kryetari i degës së dytë të LDK-së në Prishtinë, ka kritikuar ashpër kryeministrin në detyrë Albin Kurti dhe Lëvizjen Vetëvendosje, duke i akuzuar se nuk duan stabilitet në vend. Sipas tij, Kurti dhe partia e tij preferojnë krizën, të cilën e krijojnë dhe e thellojnë për të përfituar politikisht. Dushi thekson se sa herë vendi ka nevojë për qetësi dhe institucione funksionale, VV-ja prodhon konflikte dhe përçarje. Ky reagim erdhi pas takimit të kryetarit të LDK-së, Lumir Abdixhiku, me Albin Kurtin, duke nxitur tensione të reja në skenën politike.