Kryeministri në detyrë i Kosovës, Albin Kurti, u pyet për protestat e studentëve shqiptarë në Maqedoninë e Veriut, të cilët kërkojnë zbatimin e gjuhës shqipe në institucionet e vendit. Ai u shpreh se nuk mund të flas për këtë çështje, pasi në Kuvendin e Maqedonisë së Veriut ka një deputet nga Vetëvendosja, Bekim Qoku, i cili është pjesë e koalicionit qeverisës VLEN. Kurti theksoi se roli i tij është më shumë i komentuesit sesa i përfaqësuesit në këtë rast, duke shmangur një qëndrim të drejtpërdrejtë për protestat. Ndërkohë, ai nuk dha mbështetje të hapur për kërkesat e studentëve, të cilët kërkojnë që provimi i Jurisprudencës të jepet edhe në gjuhën shqipe dhe zbatim të plotë të gjuhës shqipe në institucionet e Maqedonisë së Veriut.