Kryeministri në detyrë, Albin Kurti, po zhvillon një takim me përfaqësues të komuniteteve në periferi të Prishtinës, ku po diskutohet kandidatura e përbashkët e Lëvizjes Vetëvendosje dhe Lidhjes Demokratike të Kosovës për kryetar të Kuvendit, Bekim Sejdiu. Në takim marrin pjesë Emilija Rexhepi, Fikrim Damka dhe Nenad Rashiq, ndërsa Elbert Krasniqi ka konfirmuar mungesën e tij. Një nga temat kryesore është edhe mundësia që përfaqësuesit e komuniteteve të kenë votë për kandidatin e propozuar. Ky takim zhvillohet në një moment kur partitë politike po përpiqen të sigurojnë mbështetje për zgjedhjen e presidentit dhe tejkalimin e krizës institucionale në Kosovë.