Kryeministri në detyrë i Kosovës, Albin Kurti, ka theksuar se nuk ka kuptim të vendosen kushte dhe të refuzohet takimi me Aleancën, duke nënvizuar nevojën për dialog mes palëve. Ai ka theksuar se secila parti duhet të përmbahet nga premtimet e veta elektorale dhe nuk mund të presë që një subjekt tjetër t’i realizojë ato. Kurti ka bërë të ditur se marrëveshja politike me Lidhjen Demokratike të Kosovës për emrin e Bekim Sejdiut si president ekziston, por nuk ka mbështetjen e mjaftueshme në Kuvend për ta realizuar atë. Ai ka shprehur gatishmërinë për të biseduar edhe me kryetarin e LDK-së dhe kryesinë e Vetëvendosjes për të gjetur zgjidhje në situatën aktuale politike.