Kryeministri në detyrë i Kosovës, Albin Kurti, ka theksuar se dialogu me Serbinë nuk ka dështuar, pasi gjatë tij janë arritur marrëveshje të rëndësishme. Megjithatë, problemi kryesor mbetet moszbatimi dhe refuzimi i Serbisë për të nënshkruar dhe respektuar këto marrëveshje. Kurti ka pranuar marrëveshjen e Brukselit dhe Ohrit, duke e cilësuar atë si një bazë të mirë për dialogun e mëtejshëm, edhe pse nuk është perfekte. Ai gjithashtu ka vënë në dukje se Beogradi ka besuar se ai do të refuzonte marrëveshjen, por kur ka parë që Kurti e ka pranuar, ka hezituar të nënshkruajë.