Kryeministri në detyrë Albin Kurti vizitoi fshatin Bob të Kaçanikut, ku prezantoi një sërë zotimesh të reja për zhvillimin lokal dhe kombëtar. Ai theksoi mbështetjen për fermerët duke deklaruar se kush punon tokën do të ketë përkrahje nga shteti, si dhe premtoi vende pune për çdo diplomë të fituar. Kurti gjithashtu foli për prodhimin e dronave "Made in Kosova", duke njoftuar blerjen e tre llojeve nga shtete partnere dhe prodhimin e një të katërtit në vend. Në fshatin Bob, ai njoftoi restaurimin e shtëpisë historike në lagjen Kukaj, që ka rëndësi si pikë shtab i UÇK-së, dhe ftoi qytetarët të votojnë numrin 116 për një shtet me dinjitet, siguri dhe begati.