Kryeministri i Kosovës, Albin Kurti, ka theksuar se institucionet janë të vetëdijshme për përpjekjet e faktorëve të jashtëm që synojnë të prishin harmoninë dhe bashkëjetesën fetare në vend. Ai ka theksuar se këto veprime, qoftë me qëllim apo gabim, kanë dështuar në të kaluarën dhe do të dështojnë edhe në të ardhmen. Qeveria është në kontakt të vazhdueshëm me bashkësitë fetare, veçanërisht me Bashkësinë Islame të Kosovës (BIK), për të diskutuar dhe adresuar çdo çështje që mund të dëmtojë traditën e besimit dhe tolerancën ndër-fetare. Deklaratat u bënë gjatë tryezës “Bashkëjetesa ndërfetare ndër ne, virtyt hyjnor apo domosdoshmëri shoqërore”, e organizuar nga Fondacioni “Drita” me mbështetjen e BIK.