Kryeministri në detyrë i Kosovës, Albin Kurti, ka shprehur kundërshtimin e tij ndaj formimit të Asociacionit të Komunave me shumicë serbe në formatin që kërkohet nga Beogradi, duke paralajmëruar se kjo strukturë mund të kërcënojë sovranitetin dhe funksionimin e shtetit të Kosovës. Ai theksoi se bashkëpunimi ndërmjet komunave është i mirëpritur, por vetëm në kuadër të rendit kushtetues të Kosovës dhe përmirësimit të shërbimeve publike, duke theksuar se ajo që Serbia e quan asociacion, në fakt është kundër pavarësisë së Kosovës.