Kandidati për kryeministër nga Lëvizja Vetëvendosje, Albin Kurti, ka bërë bilancin e investimeve gjatë mandatit të tij në komunën e Deçanit, ku janë realizuar mbi 60 milionë euro në fusha të ndryshme si arsimi, infrastruktura rrugore, bujqësia, trashëgimia kulturore, rini dhe sport. Ai ka theksuar se këto investime kanë përmirësuar ndjeshëm shërbimet dhe jetën e qytetarëve në këtë komunë. Kurti ka prezantuar edhe planet për mandatin e ardhshëm, duke përfshirë ndërtimin e sistemeve të ujësjellësit në Strellc të Epërm dhe të Ulët, impiante për trajtimin e ujërave të zeza në Lumbardh dhe Gramaqel, si dhe ndërtimin e çerdheve në Isniq dhe Strellc. Gjithashtu, ai ka paralajmëruar zgjerimin e rrugëve magjistrale Deçan–Pejë dhe Deçan–Gjakovë, duke theksuar se këto projekte do të kontribuojnë në zhvillimin e mëtejshëm të komunës dhe forcimin e shtetit.