Kryeministri i Kosovës, Albin Kurti, ka deklaruar se gjatë bisedimeve me opozitën për zgjedhjen e presidentit nuk është propozuar asnjë emër konkret nga partitë opozitare. Ai tha se në fillim ishte diskutuar mundësia e një presidenti konsensual, duke përmendur edhe familjen Jashari, por nuk u arrit marrëveshje. Kurti tregoi se kryetari i PDK-së, Bedri Hamza, kërkoi që PDK-ja të propozojë dy kandidatë për president dhe të arrihet një marrëveshje politike, por kjo nuk ishte e pranueshme për Vetëvendosjen. Për të nisur diskutimet, Kurti propozoi Andin Hotin si kandidat unik, por ky propozim nuk u pranua dhe opozita nuk pranoi as të diskutojë emra të tjerë, duke bllokuar kështu avancimin e procesit.