Kandidati për kryeministër nga Lëvizja Vetëvendosje, Albin Kurti, gjatë prezantimit të kandidatëve në Gjakovë, ka kritikuar ashpër partitë opozitare për bllokimin e punës së Qeverisë dhe detyrimin e qytetarëve të dalin sërish në zgjedhje. Ai i ka cilësuar listat e tyre si të ndërtuara mbi favore personale dhe pazare politike, të cilat sipas tij kanë dështuar dhe do të dështojnë sërish. Në kontrast, Kurti ka lavdëruar listën e koalicionit LVV, Alternativa, Guxo dhe PShDK, duke theksuar se ajo përfaqëson një hartë të Kosovës që punon dhe një shoqëri që sakrifikon për përgjegjësi historike. Ai ka theksuar se populli nuk lodhet nga zgjedhjet dhe do të shprehë sërish vullnetin e tij për ndryshim.