Kryeministri i Kosovës, Albin Kurti, ka shmangur përgjigjen e drejtpërdrejtë përse Vetëvendosja nuk e propozon Vjosa Osmani për një mandat të ri presidentes, duke theksuar rëndësinë e sigurimit të mbështetjes së mjaftueshme në Kuvend për zgjedhjen e presidentit. Ai ka shpjeguar se mazhoranca nuk dëshiron të rrezikojë një votim pa pasur të paktën 84-85 deputetë të sigurt, për të garantuar kuorumin prej 80 votash të nevojshme. Kurti ka theksuar se as numri minimal prej 30 deputetësh për propozimin e kandidatit dhe as 80 vota të siguruara në letër nuk janë të mjaftueshme për të garantuar suksesin e procesit. Ai ka nënvizuar se dështimi për të arritur kuorumin do të çonte në zgjedhje të reja parlamentare, një skenar që po tentohet të shmanget me çdo kusht.