Kryeministri në detyrë, Albin Kurti, ka sqaruar se ndarja e 2 milionë eurove për subvencionimin e linjave ajrore nuk lidhet vetëm me muajin qershor, por përfshin gjithë stinën e verës deri në fund të tetorit. Ai theksoi se mungesa e Kuvendit ka detyruar qeverinë të veprojë me mundësitë që ka, duke u përpjekur të mbulojë nevojat e qytetarëve në një periudhë të vështirë. Kurti gjithashtu përmendi se paketa për përballjen me inflacionin nuk u realizua për shkak të zgjedhjeve të parakohshme dhe bllokimit opozitar në procesin e zgjedhjes së presidentit. Megjithatë, qeveria po bën përpjekje maksimale për t’u dalë zot pritshmërive dhe nevojave të qytetarëve gjatë kësaj periudhe.