Kryeministri në detyrë i Kosovës, Albin Kurti, zhvilloi një intervistë në një podcast me gjeneralin francez Dominique Trinquand, ku diskutuan për historinë dhe ambiciet e Kosovës. Kurti theksoi se, megjithëse Kosova është një shtet i ri, populli i saj ka rrënjë të lashta dhe është pasardhës i ilirëve, duke u ndjerë autokton në rajon. Ai përmendi edhe periudha të ndryshme historike që kanë kaluar shqiptarët, duke përfshirë periudhat e Perandorisë Romake, Bizantine dhe Osmane, si dhe sfidat e shekullit të 20-të. Për Kurtin, pavarësia e Kosovës nuk është vetëm liri politike, por edhe një mundësi për zhvillim ekonomik dhe afirmim ndërkombëtar.