Kryeministri i Kosovës, Albin Kurti, ka pranuar se mbrëmë ka qëndruar në familjen Jashari në Prekaz, ku ka takuar bacën Rifat Jasharin. Ai tha se takimi u zhvillua në kuadër të festimeve të përvjetorit të 18-të të Pavarësisë dhe ishte një mundësi për t’u parë pasi nuk janë takuar prej kohësh. Gjatë takimit, sipas Kurtit, u diskutuan zhvillimet politike dhe çështje të ndryshme, duke përmendur se zgjidhja e situatës politike është në mesin e tri subjekteve kryesore. Ndërsa Kurti nuk dha përgjigje të qartë nëse u fol për postin e presidentit, u la të kuptohet se kjo temë ishte pjesë e bisedës, duke ngjallur dyshime për një propozim të mundshëm nga familja Jashari.