Kryeministri i Kosovës, Albin Kurti, në mbledhjen e Lëvizjes Vetëvendosje, ka theksuar se zgjedhja e presidentit nuk garanton përkatësia partiake, por vota në Kuvend. Ai njoftoi se pas takimeve me kryetarin e PDK-së, Bedri Hamzën, është bërë e qartë që PDK-ja dëshiron që presidenti të vijë nga radhët e tyre, por Kurti theksoi se kandidati mund të vijë nga çdo subjekt politik. Nëse nuk arrihet të gjendet një figurë unifikuese me mbështetjen e së paku 80 deputetëve, atëherë secili subjekt do të propozojë kandidatin e vet dhe do të zhvillohet një garë e hapur brenda Kuvendit, sipas Kushtetutës. Kurti po ashtu njoftoi se do të takohet me kryetarin e LDK-së, Lumir Abdixhikun, për të diskutuar më tej procesin dhe theksoi gatishmërinë e Lëvizjes Vetëvendosje për të pasur kandidatin e saj në këtë garë, duke synuar stabilitet institucional dhe shmangien e zgjedhjeve të reja.