Ministrja Mimoza Kusari-Lila ka zhvilluar takime me drejtuesit e Administratës Tatimore dhe Doganës së Kosovës për të diskutuar mënyrat e përmirësimit të shërbimeve dhe lehtësimit të të bërit biznes. Me drejtorin e ATK-së, Mentor Hyseni, ajo bisedoi për unifikimin dhe azhurnimin e të dhënave të bizneseve në bashkëpunim me ARBK-në, si dhe për uljen e burokracisë dhe avancimin e sistemit informativ. Me drejtorin e Doganës, Agron Llugaliu, u diskutua për krijimin e lehtësirave shtesë për bizneset, eliminimin e disa tarifave dhe reduktimin e burokracive në vendkalimet kufitare, si dhe për bashkëpunimin në kontrollin e cilësisë së derivateve. Kusari-Lila theksoi rëndësinë e bashkëpunimit ndërinstitucional dhe përmirësimit të shërbimeve për një ekonomi më konkurruese dhe zhvillim të qëndrueshëm ekonomik.